Veliki Exitov događaj u Sjevernoj Makedoniji uz svjetske i regionalne zvijezde oduševio više od 20.000 fanova

Dugoočekivano, drugo po redu izdanje Get EXITed događaja u Strumici, u organizaciji EXIT tima priredilo je sinoć posjetiocima u strumičkom Gradskom parku spektakl za pamćenje. Više od 20.000 fanova plesalo je do jutra uz omiljene pjesme pop i soul senzacije Johna Newmana, koji je svojim specijalnim nastupom pokazao zašto važi za jednu od najvećih svjetskih zvijezda današnjice, zatim uz nezaboravni set globalnog hitmejkera Buraka Yetera, regionalne megazvijezde Konstraktu i Van Gogha, ali i sjajni Džambo Aguševi Orchestra, vunderkinda elektronske muzičke scene Lannu i producentkinje i DJ-ice The Geors.

John Newman live at Get EXITed Strumica 2023

„Mnogo njih je posljednjih decenija radilo da što više zavadi ljude i narode na ovim prostorima, a upravo ovakvi susreti čine da se taj proces obrne, da umjesto mržnje imamo ljubav, umjesto ratova – mir, a umjesto svađa – saradnju i razumijevanje. Projekti kao što je ovaj vraćaju nadu i vjeru da je bolja budućnost, ne samo ovdje, nego i u cijelom svijetu moguća, i to je suština naše saradnje sa Strumicom“ – rekao je osnivač i direktor EXIT festivala Dušan Kovačević.

Burak Yeter live at Get EXITed Strumica 2023

Drugoj po redu Get EXITed žurci, koja obećava da postane nova, sjajna tradicija, prisustvovao je i gradonačelnik Opštine Strumica Kostadin Kostadinov, koji je istakao značaj ovog događaja.

„Kada dođete na Get EXITed Strumica, možete osjetiti pozitivnu energiju koja je lajtmotiv kako za mene, tako i za Dušana kao osnivača EXIT festivala. Zaista je čast i zadovoljstvo imati ovaj događaj drugu godinu zaredom, i sigurno ćemo ga imati i sljedeću i godinu poslije toga. Sve dok možemo da širimo pozitivnu energiju na Balkanu, to ćemo i raditi, jer događaji poput ovih nas ujedinjuju“, izjavio je gradonačelnik Opštine Strumica Kostadin Kostadinov.

Fenomenalni John Newman je fanove prethodne večeri oduševio svojim specijalnim hibridnim nastupom, donoseći emotivne melodije i rasplesane bitove u savršenim razmjerama, dok je svjetski poznati producent i DJ turskog porijekla Burak Yeter doveo energiju do usijanja najvećim globalnim hitovima.  Publika je uživala u eklektičnom i žanrovski šarenolikom muzičkom programu koji su donijeli omiljena umjetnica regiona Konstrakta sa svojim bendom Zemlja Gruva, rock legende Van Gogh sa svojom  bogatom, vanvremenskom diskografijom i jedan od najboljih trubačkih sastava na Balkanu Džambo Aguševi Orchestra, dok su sjajan elektronski zvuk upotpunile i donijele prva potpisnica ispred EXIT Echosystem Music & Talent Office-a Lanna i producentkinje i DJ-ice The Geors.

Misija Exita od samog nastanka jeste povezivanje regiona i promocija mira, kao i brendiranje destinacija i obogaćivanje kulturne ponude kroz razvoj kreativnih industrija i festivalskog turizma, a ova ljetnja žurka za pamćenje donijela je spektakl u prelijepi strumički Gradski park i utvrdila status nove važne turističke atrakcije Balkana, koja već drugu godinu zaredom popunjava sve smještajne kapacitete u Strumici i okolini.

Get EXITed događaj realizovan je u organizaciji EXIT tima i Opštine Strumica. 

Izvor: Sea Dance Festival